|
នាថ្ងៃអង្គារ ៤កើត ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៣ ខែកក្កដា ឆ្នាំ២០២១ សហព័ន្ធស្រូវអង្ករកម្ពុជា បានរៀបចំនូវកិច្ចប្រជុំវិសាមញ្ញមួយ ក្រោមប្រធានបទ “ភាពបន្សាំសេដ្ឋកិច្ច លើការនាំចេញអង្ករកម្ពុជា ក្នុងបរិបទកូវីដ-១៩” តាមរយៈអនឡាញ ដែលមានការចូលរួមពី ឧកញ៉ា ហ៊ុន ឡាក់ ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា ឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា ឯកឧត្តម ឧកញ៉ា បណ្ឌិត ទីប្រឹក្សាប្រតិបត្តិរបស់សហព័ន្ធស្រូវអង្ករកម្ពុជា សមាជិក សមាជិកា សហព័ន្ធស្រូវអង្ករកម្ពុជា ដែលជាក្រុមហ៊ុននាំចេញអង្ករ និងរោងម៉ាស៊ីនកិនស្រូវ សរុបប្រហែល៦០នាក់។
|
|
|
|
ឆមាសទី១ ឆ្នាំ២០២១នេះ កម្ពុជាបាននាំចេញអង្ករទៅកាន់ទីផ្សារគោលដៅទាំង៤៩ នៅលើសកលលោក ក្នុងបរិមាណអង្ករសរុបចំនួន ២៨០ ៤៥០តោន ដែលគិតជាទឹកប្រាក់ចំនួន ២០២.៦៧ លានដុល្លារសហរដ្ឋអាមេរិក។ ការនាំចេញក្នុងឆមាសទី១នេះបានធ្លាក់ចុះប្រមាណជា ២៩.៤៧% បើធៀបទៅរយៈពេលដូចគ្នាក្នុងឆ្នាំ២០២០ តែមានបរិមាណប្រហាក់ប្រហែលគ្នាទៅរយៈពេលដូចគ្នាក្នុងឆ្នាំ ២០១៧ ២០១៨ និង ២០១៩។ (ចុចទីនេះដើម្បីអាននិងទាញយករបាយការណ៍សង្ខេបជា PDF)
|
|
|
|
កាលពីសប្តាហ៍មុន ត្រូវនឹងថ្ងៃសុក្រ ទី១៨ ខែមិថុនា ឆ្នាំ២០២១ ឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា បានផ្តល់កិច្ចសម្ភាសន៍ដោយផ្ទាល់នៅវាលស្រែ ក្បែរតំបន់អាងកំពីងកំពួយ ខេត្តបាត់ដំបង ជាមួយនឹងកម្មវិធីឈ្មោះ INVITATION AU VOYAGE ផ្សាយដោយទូរទស្សន៍ Arte របស់បារាំង-អាល្លឺម៉ង់។
|
|
|
|
នាព្រឹកថ្ងៃសុក្រ ២រោច ខែបឋមាសាឍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី២៥ ខែមិថុនា ឆ្នាំ២០២១ ឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជាបានចូលរួមថ្លែងសុន្ទរកថា ក្នុងឱកាសពិធីចុះហត្ថលេខាលើកិច្ចសន្យា ស្តីអំពីការបង្កើតសាខាថ្នាក់ជាតិ របស់វេទិកាស្រូវអង្ករប្រកបដោយនិរន្តរភាព នៅក្នុងប្រទេសកម្ពុជា តាមរយៈអនឡាញ ដែលមានការចូលរួមជាអធិបតីភាពពីសំណាក់ ឯកឧត្តមបណ្ឌិត ងិន ឆាយ ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក នៃអគ្គនាយកដ្ឋានកសិកម្ម។
ពិធីចុះហត្ថលេខានាថ្ងៃនេះ គឺជាការកើតឡើងតាមរយៈកិច្ចពិភាក្សា និងការរៀបចំនានាជាច្រើនរបស់ក្រុមការងារ ដែលចូលរួមពីអគ្គនាយកដ្ឋានកសិកម្ម លេខាធិការដ្ឋានសហព័ន្ធស្រូវអង្ករកម្ពុជា អង្គការ Swiss Contact អង្គការ WCS, អង្គការ CIRAD និងអង្គការផ្សេងមួយចំនួនទៀត។
|
|
|
|
នាព្រឹកថ្ងៃសុក្រ ២កើត ខែបឋមាសាឍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី១១ ខែមិថុនា ឆ្នាំ២០២១ ឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា និងលោក លន់ យ៉េង អគ្គលេខាធិការសហព័ន្ធស្រូវអង្ករកម្ពុជា បានចូលរួមក្នុងកិច្ចពិភាក្សា នៅក្នុងកម្មវិធីកិច្ចប្រជុំតាមរយៈវីដេអូ ស្តីអំពី “ការអនុវត្តយុទ្ធសាស្រ្តការទូតសេដ្ឋកិច្ចឆ្នាំ២០២១-២០២១” ដែលរៀបចំឡើងដោយក្រសួងការបរទេសកម្ពុជា។ ការដាក់ចេញនូវយុទ្ធសាស្រ្តការទូតសេដ្ឋកិច្ច មានសារៈសំខាន់ក្នុងការលើកកម្ពស់ប្រសិទ្ធភាពការងារការទូត។ គោលបំណងនៃយុទ្ធសាស្រ្តនេះរួមមាន៖ ជំរុញពាណិជ្ជកម្មអន្តរជាតិ ការទាក់ទាញការវិនិយោគផ្ទាល់ពីបរទេស និងការជំរុញការលើកស្ទួយវិស័យទេសចរណ៍ និងវប្បធម៌របស់កម្ពុជា។
|
|
|
|
ក្នុងរយៈពេល៥ខែ នៃឆ្នាំ២០២១នេះ កម្ពុជាបានសម្រេចការនាំចេញអង្ករទៅកាន់ទីផ្សារអន្តរជាតិចំនួន ៤៧ប្រទេស ក្នុងបរិមាណសរុប ២៣៣ ០៣១ តោន ដែលគិតជាទឹកប្រាក់ទទួលបាន ១៦៦.៨១ លានដុល្លារសហរដ្ឋអាមេរិក។ បរិមាណអង្ករសរុបជាង ១២ម៉ឺនតោន ឬ ជិត៥២% ត្រូវបាននាំទៅកាន់ប្រទេសចិនរួមទាំង ហុងកុង និង ម៉ាកាវ ដែលគិតជាទឹកប្រាក់ ចំនួន ៧៧.៥២ លានដុល្លារសហរដ្ឋអាមេរិក។
ដោយវិបត្តិកូវីដ១៩ ដែលប៉ះពាល់ដល់ចរន្តនៃលំហូរពាណិជ្ជកម្ម និងវិស័យផ្សេងដែលគាំទ្រដល់ការធ្វើពាណិជ្ជកម្មអន្តរជាតិ ជាអាទ៍ កង្វះកុងតែន័រ និងការឡើងថ្លៃដឹកជញ្ជូនផ្លូវឆ្ងាយតាមសមុទ្រ ជាពិសេសទៅសហគមន៍អឺរ៉ុប បានធ្វើឱ្យបរិមាណនៃការនាំអង្ករចេញ ជារួមបានធ្លាក់ចុះ ជាង ៣៤% ហើយទីផ្សារដែលប៉ះពាល់ធំជាងគេ គឺទីផ្សារសហគមន៍អ៊ឺរ៉ុបដែលធ្លាប់កាន់ចំណែកនៃការនាំចេញសរុបជាង៣៤% ប្រហែលគ្នាទៅនឹងទីផ្សារចិន ដែលមានចំនួន ៣៨% នៅក្នុងរយៈពេល៥ខែដូចគ្នា នៅក្នុងឆ្នាំ២០២០ ហើយបើគិតជាបរិមាណ គឺប្រមាណជាង ១២ម៉ឺនតោន នៅក្នុងរយៈពេល៥ខែ នៃឆ្នាំ២០២០ មកត្រឹមជិត៦ម៉ឺនតោន ឬ ជាង ២៥% នៃការនាំចេញសរុបក្នុង៥ខែ ឆ្នាំ២០២១ ។ ក្រៅពីនេះ ការនាំចេញទៅប្រទេសផ្សេងៗដូចជាសហរដ្ឋអាមេរិក ក៏បានធ្លាក់ចុះពី ជាង ២០០០តោន មកត្រឹមជាង ២០០តោន ផងដែរ។
|
|
|
|
នាថ្ងៃព្រហស្បតិ៍ ៩កើត ខែជេស្ឋ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី២០ ខែឧសភា ឆ្នាំ២០២១ ឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា បានចូលរួមថ្លែងសុន្ទរកថាបើកកិច្ចពិភាក្សាស្តីពី ការធ្វើពាណិជ្ជកម្មលើផលិតផលអាហារដែលមានបញ្ចូលមីក្រូសារជាតិ ក្រោមអធិបតីភាពឯកឧត្តម សុខ ស៊ីឡូ អគ្គលេខាធិការនៃក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ(CARD) MS. RANA KARADSHEH នាយកឧស្សាហកម្មប្រចាំតំបន់អាស៊ីប៉ាស៊ីហ្វិកនៃសាជីវកម្មហិរញ្ញវត្ថុអន្តរជាតិ (International Finance Corporation-IFC) និង លោក ASAD YAQUB អ្នកតំណាង IFC ប្រចាំកម្ពុជា ហើយក៏មានការចូលរួមចំនួន ៦០នាក់ ដែលក្នុងនោះសមាជិកសហព័ន្ធស្រូវអង្ករកម្ពុជា ដែលជាក្រុមហ៊ុននាំចេញ រោងម៉ាស៊ីនកិនស្រូវ ប្រមាណជា២០ក្រុមហ៊ុន និងវាគ្មិនដែលជាអ្នកជំនាញផ្នែកជាតិនិងអន្តរជាតិ អញ្ជើញមកពីស្ថាប័ននានា ដែលពាក់ព័ន្ធ ដើម្បីចូលរួមចែករំលែកអំពីបទពិសោធន៍ នៅក្នុងកិច្ចពិភាក្សានេះ។
|
|
|
|
នាព្រឹកថ្ងៃពុធ ៨កើត ខែជេស្ឋ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី១៩ ខែឧសភា ឆ្នាំ២០២១ លោកស្រី គឹម ស្រីរ័ត្ន អនុប្រធានសហព័ន្ធស្រូវអង្ករកម្ពុជា និងជាប្រធានគណៈកម្មការប្រតិបត្តិផ្នែកទីផ្សារ និងជំរុញការនាំចេញ រួមជាមួយលោក លន់ យ៉េង អគ្គលេខាធិការសហព័ន្ធស្រូវអង្ករកម្ពុជា និងសហការី បានជួបពិភាក្សាតាមរយៈអនឡាញ ជាមួយនឹងសហគ្រិនខ្មែរ ដែលមានលោក គង់ សុភីវឌ្ឍនៈ ប្រធានផ្នែកទីផ្សារ និងការវិនិយោគរបស់សហគ្រិនខ្មែរ និងសហការី ដែលកិច្ចពិភាក្សានេះគឺធ្វើឡើងដើម្បីស្វែងយល់អំពីលទ្ធភាពក្នុងការសហការគ្នា លើការពង្រីកទីផ្សារនាំចេញអង្ករកម្ពុជា ដែលផ្តោតលើការងារទីផ្សារ និងការងារផ្សព្វផ្សាយលើឆាកអន្តរជាតិ ដែលពិតជាមានសារៈសំខាន់និងផ្តល់នូវប្រសិទ្ធភាពខ្ពស់ក្នុងការបញ្រ្ជាបអំពីកិត្តិនាមអង្ករកម្ពុជាប្រកបដោយគុណភាព។
|
|
|
|
នាថ្ងៃពុធ ៩រោច ខែពិសាខ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី០៥ ខែឧសភា ឆ្នាំ២០២១ នៅឯសាលាស្រុកថ្មគោល ឧកញ៉ា ភួ វាសនា អនុប្រធានសហព័ន្ធស្រូវអង្ករកម្ពុជា បាននាំយកនូវអំណោយជាអង្ករ៥តោន ស្មើនឹង៥០០០គីឡូក្រាម ដែលជាការចូលរួមបរិច្ចាគរបស់សមាជិកសមាជិកាសហព័ន្ធស្រូវអង្ករកម្ពុជា ប្រគល់ជូនដល់រដ្ឋបាលស្រុកថ្មគោល ខេត្តបាត់ដំបង ដើម្បីចែកជូនប្រជាជនក្រីក្រ ដែលរងការប៉ះពាល់ដោយជំងឺកូវីដ១៩។
|
|
|
|
នាថ្ងៃអង្គារ ៨រោច ខែពិសាខ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី០៤ ខែឧសភា ឆ្នាំ២០២១ នៅឯសាលាខេត្តកំពង់ធំ តំណាងសហព័ន្ធស្រូវអង្ករកម្ពុជា ដែលរួមមានបុគ្គលិកមកពីក្រុមហ៊ុនរោងម៉ាស៊ីនកំពង់ធំ ១៦៦៨ និងបុគ្គលិកក្រុមហ៊ុនអេមរុរ៉ាយស៍ ខេត្តកំពង់ធំ បាននាំយកនូវអំណោយជាអង្ករ៥តោន ស្មើនឹង៥០០០គីឡូក្រាម ដែលជាការចូលរួមបរិច្ចាគរបស់សមាជិកសមាជិកាសហព័ន្ធស្រូវអង្ករកម្ពុជា ប្រគល់ជូនដល់រដ្ឋបាលខេត្តកំពង់ធំ ដើម្បីចែកជូនប្រជាជនក្រីក្រ ដែលរងការប៉ះពាល់ដោយជំងឺកូវីដ១៩។
|
|
|
.jpg "របាយការណ៍សង្ខេបការនាំចេញអង្ករ និងស្រូវសម្រាប់រយៈពេល ១២ខែ")
.png)
.png)
.png)
.png)
.jpg "អបអរសាទរឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា")
